Ongi etorri hunkigarria goizeko 4etan (03-7-31), gazte pila, besarkadak eta musuak, aurreskua txistuka guztion artean jota neskek dantzatu zieten, txapela buruan isilik torturatutako gazteak, argazkiak hormatik kendu zituzten... Martxelo Otamendi, Zubiria, Alegria... espainolek torturatzen zituzten bitartean, gazte hauek Ibarretxeren protokolo pean mertzenario baskoek torturatzen zituzten, agian honengatik Etb ez da ongi etorrira etorri...

http://www.berria.info/testua_ikusi.php?Saila=euskalherria&Iturria=BERRIA&Data=2003-07-31&Produktua=BERRIA&Edizioa=00&Orria=009&Kont=002

 

Otsailean atxilotutako lau gazte aske dira, bakoitzak 36.000 euro ordainduta

erredakzioa - DONOSTIA

Ertzaintzak iragan otsailaren 18an atxilotutako bederatzi gaztetatik lau aske utzi ditu Auzitegi Nazionalak, bakoitzari 36.000 euroko bermea ordainarazita. Arkaitz Alkorta Urruzuno Ondarroan (Bizkaia) atxilotu zuten, eta Xabier Aiestaran Legarra, Iurgi Oteiza Nazabal eta Joseba Arrizubieta Iriguen Donostian atxilotu zituzten, Espainiako Auzitegi Nazionaleko Baltasar Garzonen aginduz atxilotutako beste bost gazterekin batera. Ertzaintzak azken urteetako kale borroka ekintzetan parte hartu izana egotzi zien guztiei, baina ez zituen erasoak zehaztu.

Hiru eguneko inkomunikazioaren ondoren, bi gazte askatzeko eta zazpi espetxeratzeko agindu zuen Garzonek. Alkorta Aranjuezko espetxean izan da, Aiestaran Valdemoron, eta Arrizubieta eta Oteiza Alcala-Mecon.

Torturen protokoloa

Atxiloketen biharamunean Eusko Jaurlaritzako Herrizaingo Sailak prentsa oharra kaleratu zuen, eta Ertzaintzari torturak leporatuz «abiatutako kanpainari aurre egin nahian» hainbat neurri iragarri zituzten gerora, apirilean onartatutako protokoloan zehaztutakoak. Inkomunikazioa amaitu eta Garzonen aurretik pasatu ondoren, baina, gazteek tratu txarrak eta torturak pairatu zituztela salatu zuten.

Ildo horretan, Askatasuna taldeak protokolo hori «gezurra» dela salatu du, beste behin ere, atzo igorritako prentsa oharrean. «Protokolo hori aurpegia garbitzeko beste saio bat baino ez da, iaz Ertzaintzak 36 salaketa jaso baitzituen euskal herritarrei emandako tratu txar eta torturengatik».

Askatasunaren arabera, atxiloketa horiek izan ziren astean frogatu zen Ertzaintzak, Guardia Zibilak eta Espainiako Poliziak, hirurek, torturatzen dutela. Otsailaren 19an Espainiako Poliziak egindako operazioa eta 20an Egunkaria-

ren itxierarekin lotuta Guardia Zibilak egindako atxiloketak aipatzen ditu prentsa oharrak.